2013年11月13日 星期三

舊茶樓黃金歲月

茶樓舊照,越摷越多。
第二個網頁又逼到爆。
仲貼唔貼落去呀?
閘住,又好似「意猶未盡」。
好,一於再去馬。
茶樓食肆,開第三分店。
繼續睇靚相,講故事。
嗱,安哥,「擦」飽啲喇。



↑第一樓,好名字。


↑德輔道的第一大茶樓,以冬天賣臘味、夏天賣燒味而聞名。


↑北角,皇后飯店。


↑北角,北大菜館。


↑瓊天酒樓,彌敦道。


↑瓊天酒樓,彌敦道。


↑瓊華、醉瓊、龍鳳、新雅,彌敦道「四大美人」。


↑1960年代中,元朗大馬路往西望,右見谷亭街口龍城大酒家,遠少少有光和冰室。



  ↑青山道,德男茶樓。


上世紀初,香港著名食肆還有「六記」和「四大名園」。
「六記」是早年香港飲食業中,名噪一時的六間食肆。
分別是鏞記、斗記、操記、合記、昌記和九記。
它們在上世紀初已開業,直至五六十年代方慢慢湮沒。
不過,少數仍經營至今,鏞記即是一例。



↑鏞記舊店,左上角。


↑鏞記舊店,左上角。

鏞記位於中環威靈頓街,依然深受食客歡迎。
特別是燒鵝,聞名遐邇。
上世紀五十年代時,更有「飛天燒鵝」之稱。
這個古怪稱號,源自一段歷史。
五十年代,一本著名外國雜誌列「鏞記燒鵝」為世界十大美食之一。
經此宣傳,不單吸引大批外國遊客,連居住在外地的華人,也對鏞記燒鵝趨之若鶩。
為了解決「口腹之慾」,他們便常常拜託飛行香港線的空中小姐、少爺們,回程時,順道帶回鏞記燒鵝。
因此,燒鵝便懂得「飛天」了。
傳說燒鵝經過長途飛行後,抵達客人手上仍是暖的,吃時還是原色原味。
其實要達致這效果並不困難,訣竅是:
把剛買回來的燒鵝,放進飛機廚房中的保暖櫃保溫便可。



↑舊蓮香開張。「十大天王」係乜誰?


 ↑香港的蓮香樓原有三家,現僅存一間於香港島中環威靈頓街160-164號(該店創業於1918年)。


↑蓮香樓,餐具別有一格。


↑有仔記,灣仔。


↑得名茶樓,灣仔,大道東。


斗記:在中上環有一個地方叫「潮州行」,有很多潮州人聚居。在數家潮菜食肆中,以斗記最著名。
操記:操記或因易手,或因其他因素,斷斷續續經營,至今仍存在。
它主要是售賣廣東菜,尤以「處女肥雞」最出名,其他食品,像粥、炒粉麵也受到食客歡迎。
合記:以粥馳名的合記已消失,「蝦王粥」是其招牌之作。此粥用料是整隻大蝦,現在已很難吃到這種蝦粥了。
昌記:八十年代初期,昌記仍然存在。現因已搬離舊址,故未可考是否已消失。
昌記之所以出名,除了它做的「粥粉麵」出色外,還因它兼售傳統廣東糖水。現在的粥麵店也有售賣糖水,可能是受了昌記的啟發。
九記:以清湯牛腩馳名,延續至今。
這「六記」由世紀初至二三十年代,可說是香港飲食界中的名牌。其間,或因易手,或因結業,便有「新六記」出現,加入一些新的食肆,以補空缺。
灣仔祥記曾被列入「新六記」,其特色是提供各類菜式,上海菜、京菜、粵菜;另一特別之處是,它是最早的夜店,有一段時期曾通宵營業。



↑馬拉糕,大件夾抵食。


↑鵪鶉蛋,如今少見。


20世紀初的著名食肆,還有「四大名園」。
「四大名園」是南園、西苑、文苑、大三元。
以往有所謂「食在廣州」,香港人的飲食習慣跟廣州走,廣州有什麼出名的食肆,都會在香港開分店,故香港的「四大名園」,跟廣州的四大酒家有一定關連。
南園:以劏大鱔、紅燒網鮑著名。
西苑:以粵菜聞名。廚師常常炮製新菜式,如鼎湖上素。這是一道有竅妙的菜式,因素菜清淡無味,廚師便以田雞、牛肉等熬成的湯來烹調,以增其鮮味。
文苑:以百花雞出名,據說是「廚藝極高的雞品」。
大三元:由廣州發展至香港,一直到上世紀七十年代才消失。
「魚翅」是其招牌菜式。
據說它的廚師曾是清帝御廚之一,對處理山珍海錯特別拿手。



↑黃枝記,以粥麵著名。


↑灣仔,國運,從天樂里北望軒尼詩道,遠處是「同德押」。


↑國慶,牛頭角。


↑信興酒樓,深水埗桂林街93號地下。


↑南屏雅敘,澳門。


↑安哥:飲杯普洱,潤下再講。


↑杏花樓,1870年。

香港第一家酒樓
香港第一家酒樓,據說是「杏花樓」。
杏花樓於1846年啟業。
地址:上環大馬路水坑口。
主打「鳳城風味」。
借問酒家何處有?牧童遙指杏花村。
或許就是這首詩,為香港的第一家酒樓起了一個優雅的名字──杏花樓。
不過,這家酒樓卻是建於當時娼寮妓寨聚集的水坑口。
此地人流如注,日夜顛倒。
而杏花樓,就是依靠這種行業衍生出來的「副業」。

杏花樓是當時香港上流社會飲宴的高級酒樓,樓高數層,有廳有房。
燕(窩)翅(魚翅)為其名貴酒席,廚師多是廣東順德人。
菜式十足鳳城風味。
因位處煙花地,酒樓生意甚為興旺。
孫中山在香港與革命黨人商議革命事時,也常在此聚會。
1900年,全港酒樓數目已達30多家,大多集中於水坑口、石塘咀一帶。
酒樓多兼賣花酒營生。
辛亥革命後,政府為整頓市容,將水坑口的娼妓遷到石塘咀山道營地。
石塘咀一帶更加興旺。
除了陶園,還有澄天、共和、香江等。
這些酒樓,皆整幢樓宇,廳屋闊大,一如電影《胭脂扣》之場景。
老字號的杏花樓,不敵石塘咀冒起的新酒樓,很快便沉寂下來。
就連倒閉日期,也沒有人記得清了。



↑第一代金陵酒家,德輔道西,山道,1920年代。

塘西金粉  夜夜笙歌
金粉兩行花勸酒;陵巒一角月窺樓。
塘西金陵酒家取義「夜泊秦淮近酒家」名句,令香港的酒樓從此改稱「酒家」。
金陵門前,嵌有香港著名外交家伍廷芳博士撰題的這副對聯。
酒家裡面畫棟雕梁,夜夜笙歌。
金陵一直營業到20世紀60年代。
1950年尼克遜訪港時,港英政府就在金陵酒家設宴款待。



↑第二代金陵酒家,皇后大道西,1956年。


↑金陵廣告:平靚正。


↑英男茶樓,灣仔。


↑英京酒樓、敏如茶室,灣仔莊士敦道。


↑敏如茶室,灣仔莊士敦道。


↑蓮香樓門外的女報販。


↑西荷樓,筲箕灣道。


↑京匯,筲箕灣。


↑平園、新花洲,香港仔。


↑新花洲,香港仔。


↑晨光,香港仔。


↑左起:晨光大茶樓、平園茶室、珊瑚酒家。


↑和平飯店,九龍。


↑鳳城,北角。


↑溢海、金京,北角,英皇道。


↑一品香、三六九,英皇道。


↑新國民,英皇道。


↑新都城,英皇道。


↑北大蛇羹廣告,1974年11月。


↑新光、雅香園,英皇道。


↑國都,英皇道。


↑國都,英皇道,北角。


↑幸運、國際、五月花,彌敦道。

74 則留言:

  1. 1981年在菲律賓鏞記食燒鵝一碟例牌4份1左右,要$200港幣,
    伙記話隻鵝原來坐飛機到臨.是否 ? I don't know .

    回覆刪除
    回覆
    1. 去菲國食燒鵝,有趣。
      「飛鵝」收二百,明斬也。

      刪除
  2. 第一次食鏞記燒鵝還好,但二次已經.......

    回覆刪除
    回覆
    1. 深井燒鵝食過,的確唔錯。
      鏞記有名,但至今未幫襯過。

      刪除
    2. 不到長城非好漢,去到竟然好失望,磚頭一堆破夾舊,文人大話臭作香!

      大哥,唔使遺憾,細佬有運兼有幸,兒時同伴中環做訟師,不忘兒時情,每當返鄉,(以前未走路都有請細佬去),梗請食飯,乜記燒鵝冇走雞,,,唔知係唔係階級唔同,細佬條脷冇咁幼細,硬係感覺皮唔脆,肉質唔係咁"哎麗"(古順德話),,,,好似大興都好過佢!
      嗱,呢樣嘢好主觀,尤如飲水,冷暖自知,以上只係細佬貧賤,分唔到好拽而已,講到識食,梗係"靈"叔囉!

      又講番深井,係七十年代,尚未太多人認識時,細佬吹水,真係幫趁唔少,燒鵝,烏頭,果時真係正過子午綫,好過陳好逑!皆因要去新界搵生意,公司會安排汽車及司機,周圍遊,司機好鬼識地方同食正嘢,又有公數開,,,,食食食食夠本!

      刪除
    3. 喺番禺食過「淥鵝」。
      有啲似「滷水鵝」,幾好味也。

      刪除
    4. 好多時覺得出名嘅食店或事物,都係名大過實,要自己親身試下才知水準如何。

      刪除
  3. 九記:以清湯牛腩馳名,現已不存在。~~~大哥,因住被人告,我孫女上星期先至去過,係新舖!快啲更正呀!

    回覆刪除
    回覆
    1. 孫女食乜都要匯報。
      又係「怪獸家長」?

      刪除
    2. 唉,見就見唔到咯,唯有ITT,或者上網,一個小四,一個小二,真係牽腸掛肚㗎,雖然隔咗一代!

      刪除
  4. 斗記:在中上環有一個地方叫「潮州行」,有很多潮州人聚居。在數家潮菜食肆中,以斗記最著名。~~~應該叫做"史坑巷",如今變咗做中草藥公園,細佬幫趁時,仲係大排檔,未上皇后大道西,,,果碟沙爹辜力粿,絕唱也,家陣冇辦法食番!餓叻另一絕,家陣入咗舖,完全唔同!

    「蝦王粥」~~~兩大海中蝦(等如家陣嘅大蝦咁大),生滾粥後,蝦膏爆晒出嚟,染紅成碗粥,蝦香撲鼻,,,嘩,,,我講緊嘅係係中央戲院旁邊果間粥店鋪,係唔係叫合記就唔記得,六十年前嘅記憶!

    回覆刪除
    回覆
    1. 「蝦王粥」失傳矣。
      「蟹王粥」倒是不少也。

      刪除
  5. 十大天王係當時嘅粵劇名伶,有男有女,當然唔係劉德華,黎明,,,,,啦!

    回覆刪除
  6. 大哥,呢次啲料有啲濕滯,來源有啲問題噃!

    回覆刪除
    回覆
    1. 搵返間涼茶舖。
      嘆杯「去濕茶」好了。

      刪除
    2. 賓利蔗汁仲未執,快啲去飲咯,潤下個肺,,,仲有幫我叫外賣,叫UPS寄過嚟,騎騎!

      刪除
  7. 舊蓮香樓(圖中皇后大道中果間)底夠高,茶博士夠粗,水滾茶靚,點心夠正,家陣嘅係拷貝版,唔同咗"好多"咯,不過上環果間晚飯都唔錯噃!

    回覆刪除
  8. 回覆
    1. 炒牛河,講鑊氣也。
      牛肉幾貴下喎。

      刪除
  9. 潮州行應為"史坑巷",因為係一條"巷"仔,再認真啲,應講係"南北行",行莊也,有金山莊,海味莊,米行,好似"年豐行"著名米行,應冇人叫"潮州行"嘅,來源冇係果度蒲過,道聽途說,唔多準確!
    果時有揹鳥槍更員巡邏,仲有街邊小月販販賣"潮州血腸"!
    過少少,係高陞街,藥材行聚集地,家陣仲係!

    回覆刪除
    回覆
    1. 南北行,華商發跡地也。

      刪除
    2. 潮州行應該是兩興,尚興發祥地,那裡還有一間張記。潮州巷未倒塌前有一段時間都常去。至於灣仔祥記自裝修後就變成貴價食肆。

      刪除
    3. 想當年,細佬啲死黨同女友,都係斗記粉絲,兩間興字,好少好少幫趁,其他更加冇去!
      好耐囉!!!往事如煙如霧,,,,,,,,,

      刪除
  10. 點心師傅買少見少,現今酒樓很多點心及燒臘,都是外援,
    聽講 from China so very danger.

    回覆刪除
  11. 回覆
    1. 早年南北行,十有八九都是「潮州冷」。

      刪除
  12. 堂主:安哥留言都霸咗成頁咯!兩位講到口水都漏晒,因住食滯!
    今日想向堂主借幾張明星相來充撐敝博,並借兩位的大作詩歌一用,未知可否?

    回覆刪除
    回覆
    1. 拙作隨便拎。
      安哥的,當然由他作主也。

      刪除
  13. 阿姨叫到乜都得囉

    回覆刪除
  14. 阿姨叫到,如果不嫌細佬嘅嘢粗鄙,隨便攞去使囉,上面果段都係細佬發嘅!

    回覆刪除
    回覆
    1. 多謝堂主、安哥兩位俾面!
      安哥還有一首「枉度一生感懷」!真是笑中有淚,巧為借用了李商隱的「錦瑟」七言律詩,佩服!不過這首是閣下自嘲的夫子自道,小妹不敢掠用。

      刪除
    2. 冇所謂咯,遊戲文章不賣錢,攞去用咯,天下文章一大抄,
      有人肯上啲好相,又俾細佬吹下水,等緊再"移民"嘅生活有啲生氣,算好彩,
      堂主真係好有料㗎!唉,,,金劍己沉埋咋!

      刪除
    3. 多謝安哥慷允借用!堂主真係好有料,何謂”金劍己沉埋”?堂主在深圳置業,金屋藏嬌,都不知幾好景!哈哈!

      刪除
  15. 阿姨唔知,細佬成日做鄧寄塵,伙記慢打鑼,想替堂主扯客咋!
    另外,啲相真係好有回憶,五味紛飛也!

    回覆刪除
    回覆
    1. 安哥謙矣!鄧寄塵,好似係綠葉,其實他自編自導自講,細時都聽過,真係好精彩!
      南國明星,粵劇紅伶,都是大眾市民的夢中情人,美化了整個默默奮鬥的香江,真是功德無量。

      刪除
  16. 灣仔,國運~~~過啲係藝美圖書,個經理阿何係死黨,好可惜食煙太多,肺癌走咗,都好多好多年囉,睹圖思人,另外以前文記何先生又係老死,國運飲茶,,,,,,

    回覆刪除
    回覆
    1. 舊老細陳凡同藝美都好熟。
      以前灣仔有唔少新舊書店。
      畀書壓死的,便是「青文」的老闆。

      刪除
    2. 藝美老闆姓崔,好好先生也!
      講番食,,,一轉角就係鵝頸街市,樓上有一檔清真大牌檔,哈哈,佢嘅燒鵝(燒鴨)先至係天下一絕,中環乜記得個名咋!!!
      果度嘅㗎喱羊腩,色香味俱全,正通全港九,,,
      又係美好回憶,,,,過咗世嘅老上司,想當年常帶我到此食正嘢,佢走咗咯,好在佢走前曾到多倫多同佢飲過兩次茶!
      幾次回鄉都冇時間再去睇下係唔係度,,,,,堂主灣仔地膽,有冇去過!你知我講邊檔?得一檔咋!

      刪除
  17. No.10&11: "鏞記舊店,左上角。" : -
    Would be interesting if a current picture could be posted as well.

    No.12: "舊蓮香開張。「十大天王」係乜誰?" : -
    Does the premises look like "East of Pottinger St., South of QRC. Premises of the present HMV, former Lane Crawford"?

    No.13: "香港的蓮香樓原有三家..." : -
    In fact there is a "蓮香居" now, at QRW, west of Ko Shing St. Seems like a result of fighting for the right to use the old shop name between family members.

    "西苑:以粵菜聞名。廚師常常炮製新菜式,如頂湖上素。" : -
    "頂", or "鼎"?

    No.19: "黃枝記,以粥麵著名。" : -
    This was the old premises at Wellington. The current shop is at Stanley.

    No.20: try "灣仔,國運,由天樂里北望,遠處是軒尼詩道「同德押」。"

    回覆刪除
    回覆
    1. 應是”鼎湖上素”,鼎湖山是在肇慶,這個”鼎湖上素”多年前在七星岩的飯館吃過(當時被邀上樓上港澳同胞的貴賓廳),十分滋味好吃。可是再上鼎湖山慶雲寺,所吃到的鼎湖上素十分粗糙,原來正宗的不太好吃。

      刪除
    2. 「鼎湖」才對。
      「國運」,後來成了廣東酒樓。
      大塊藍色招牌很矚目也。

      刪除
    3. 早晨呀,堂主阿哥,以及一衆鄉親父老兄弟姐妹!細佬又要打鑼,堂主,今日有乜料?

      楊州炒飯冇影踪,(楊州都冇炒飯嘅)
      星洲炒米難形容,(星架坡都冇星洲炒米嘅)
      海南雞飯唔似樣,(海南島都唔係咁整雞嘅)
      瑞士雞翼爛蓉蓉!(瑞士整雞一係就冇味,一係就鹹到辣脷)

      以前香江文人,大話真係成籮籮!

      刪除
  18. 家陣酒樓茶室邊會有好茶㗎,尤其普洱,好啲嘅都話要拍賣,以前飲茶有普洱,壽眉,六安,水仙!
    而家,,,,鐵觀音喎!六安,啲八九十後聽都未聽過!試過有一輪興"菊普",其實好鬼危險!
    點解,因為家陣嘅菊花,大都浸過硫磺,(以前係焗硫磺),防腐也,如果唔浸水,唔洗下,就咁攞嚟沖茶,,,,嘿嘿,,,致"巖"也!
    普洱,靚嘅,飲唔起,染色嘅,唔敢飲,,,,咁飲乜,,,Earl Grey,英國佬茶,嘻嘻!

    回覆刪除
  19. 舊蓮香~~後嚟係人人酒樓個位置家陣喜悅酒家果度,,,,細佬應冇記錯,往昔跟師兄郭多係果度吞泡!

    回覆刪除
    回覆
    1. 「仁人」還是「人人」?
      有兩張「仁人」未貼哩。

      刪除
    2. 「仁人」也,細佬有時都係"堂氏綜合症",有時手震,有時按鍵忘字,有時南北不分,,,,,應該係"再移民"前先兆!

      刪除
  20. Then it should be further west, somewhere between Graham and Aberdeen Sts. Thanks.

    回覆刪除
  21. 到我講故事,以前酒樓開業,門口報紙檔係利益紛爭的地方及70年代尾潮流興打劫酒樓收銀處,所以特派埋伏,坐足8小時,不過任飲任食,變了肥 仔 !

    回覆刪除
    回覆
    1. 陀鐵生涯原是夢,
      是非黑白好矇矓,
      淒然風雨獨巡邏,
      孤苦冷寂誰能懂!

      如今當差更無用,
      成日俾人挑釁中,
      尊嚴兩字無由說,
      無奈一句打份工!

      以前,唔係好耐以前,六十七十年代,仲慘!

      昔日當差更陰功,
      鬼頭榔厲沙展凶,
      擦鞋洗衫錢要扣,
      剩低雞碎嘅人工!
      鵝脾飯麫攞嚟用,
      只因三字就係窮,
      有堆唔埋守水塘,
      不貪不謀兩手空!

      有人為人民服務,值得敬枝"喜力"!

      刪除
    2. 門口報紙檔,好懷念細佬個老街坊,就係係威靈頓街襟江門前嘅"輝哥,輝嬸同輝嫲),佢地擺咗幾十年,酒家改名改幾次,佢地睇住我大,真係老香江好人嘅典範,直至細佬走路先至失聯絡,借此㝷人也!
      報紙檔跟茶室酒樓係分唔開,也是香江歲月嘅重要部份,亦係香江文化嘅重大部份,堂主有冇相呢!

      刪除
    3. 報紙檔,真係香江特色也。
      照片唔多,記得灣仔「龍門」口有一兩張。
      摷下先。

      刪除
  22. No. 1: "第一樓,好名字。" : -

    好照片!黑白、雨中、以及古舊交通工具在現代閙市中那種 “不協和” 感。
    囬想五十餘年前,先父擕在下岀入此地,直是義山句:
    “此情可待成追憶,只是當時已惘然”也。

    回覆刪除
  23. 以前在尖沙咀打工,老闆是上海人所以喜愛上海菜,
    每月起碼去一,二次尖沙咀一 品香菜館,近幾年來無去,
    因為年紀大清淡好啲.

    回覆刪除
  24. 嗰陣時去夜總會真係非富則貴,睇吓新都城個牌,原桌派對席要400大元!我相信呢個價錢等於一般人唔只一個月嘅收入!

    回覆刪除
    回覆
    1. 淨係聽徐小鳳、劉鳳屏唱歌都值喇。
      除咗「雙鳳」。
      仲有「大長今」樂隊助陣呀!

      刪除
    2. Singer Lau Fung Ping, 每晚去酒樓登台完畢,就去佐敦新記酒家宵夜,
      由佢老爸做助手,替她拎物件,唔知以為係隻狼狗.

      刪除
  25. 劉鳯屏~~又引起香江歲月嘅另一篇,話話七十年年,突然出現一股歌廳風,尤以旺角,例如新興大厦地下,,,,及其他,當時不止有香港歌伶,歌星,仲有好多臺灣嚟嘅,星架坡嚟嘅,青山呀,姚蘇容呀,劉鳯屏係其中表表者,走塲走到唔恨,,,,(劉鳯屏現居於"雲高華"有時做吓義工,有時籌款活動都會出現...

    回覆刪除
  26. 北大五蛇羮令細佬想起當時幾個蛇王,夾起嚟真係五蛇噃!
    北大嘅出品,真係唔錯,不論點心,小炒,當然五蛇羮係妙品!

    北角仲有一間好有影響同好有故事嘅酒樓,,,,,,就係敦煌咯,塲面夠,出品唔歪,曾經喧赫一時,,可惜佢老闆嘅仔好學唔學,學咗乜乜乜圓滿功,,,,咁就,,,,,,,,,,

    回覆刪除
    回覆
    1. Uncle On you are right. 敦煌酒樓就是政治因素而 close.

      刪除
  27. 係北大對面,有間456菜館

    回覆刪除
  28. 堂主你好,八年後才看到這篇好文章,非常欣賞!希望有機會訪問堂主,我姓陳,我的電郵是louis@deli.com.hk,希望能有緣見面拜訪,謝謝!

    回覆刪除
  29. 请问谁人可以找到鳳如酒樓係旺角嘅60年代照片?(佐敦道的那间是龙如酒楼)。。

    回覆刪除

苦戀,愛群道

走畢藍塘道,轉入寶雲道。 一路走走拍拍。 看看腕表,已近中午。 全程走完寶雲道,下午便來不及上班了。 於是來個折衷,從寶雲道中央的小徑下山。 走至山腳,發現前面就是熟悉的愛群道。 驚喜的是,一路都是開滿花的苦楝樹。 頭頂是花,腳下也是花。 四野無人,獨享花花世界。 不妨當一下「...