2014年2月11日 星期二

周街行,舊香港

香港「開埠」百幾年。
街道名字不變。
街上建築物卻滄海桑田。
下面選貼一些舊照。
讓網友回望昔日香江。
穿街過巷。
當年的你,是否也曾走過?



↑車仔,半世紀前之「的士」也。


↑赤腳走天涯。


↑ 鐵腳馬眼。


↑三輪貨車,環保也,1941年。


↑中原電器行,中環,1940年代。


↑德輔道中中環街市前的日軍,1942年。德輔道中其時改稱「東昭和通」。右為「憲兵消防局」(今恆生銀行)。


↑文咸東街,1940年代。


↑文咸東街,1940年代。


↑文咸東街,1940年代。


↑上環文咸東街一號,得雲茶樓,1990年代。


↑得雲茶樓,今昔對照。


↑蒸鵝上市,右側有香利、利成、同德三家銀號,1940年代。


↑ 同上圖,局部。


↑銅鑼灣道,1941年。


↑ 街頭一角,1940年代。


↑ 中央戲院,1940年代。


↑ 女報販,中環,1940年代。


↑人肉廣告牌,昃臣道,1940年代。


↑ 皇后行,中環,1940年代。


↑位於皇后大道中與泄蘭街交界的「Asia Life Building」。

Asia Life Building後改稱American International Building(又稱美亞行)。
原址後來改建為友邦行(American International Tower)。
再由新世界收購,改名新世界大廈(New World Tower)。



↑山頂纜車站,中環,1940年代。


↑大東酒店,壯觀的車隊,1940年代。


↑   同上圖,局部。


↑牛池灣道,九龍,1946年。


↑嘉林邊道,九龍,1945年。


↑   麗池,北角,1940年代。


↑   啟文絲織廠,中環,1940年代。


↑  安哥,金碧輝煌嗰架係咩款車呀?


↑  擔挑,好久不見也。


↑雲咸街的「流動風景」。


↑中環雲咸街的轎站及人力車站,1930年代。


↑中環,皇后大道中、雲咸街交界,今昔對照。上圖右側可見「娛樂戲院」及人力車站。


↑中環,皇后大道中、雲咸街交界,今昔對照。上圖攝於1870年。


↑中環,皇后大道中、雲咸街交界,今昔對照。


↑ 中正中學,西環分校。


↑  港島,西區舊照。


↑  港島,西區舊照。


↑  港島,西區舊照。

48 則留言:

  1. 講起昔日舊街道,鄉下妹嘅我,細佬女嘅時候跟媽媽回她娘家跟親戚去香港拜年,橫過皇后大道時,感覺很深,原來香港島嘅馬路好長好濶。

    回覆刪除
    回覆
    1. 以前「城鄉差別」好鬼大。
      每去一趟港島,便開一次眼界。

      刪除
    2. 那時香港島的人的衣著跟我們住在新界的也有很大的分別呢!

      刪除
  2. 家鄉香江人一向島民心態,憎人富貴慊人貧,四五十年代,香島人睇唔起住九龍嘅,更加睇唔起新界老鄉,跟住南北不和,死"撈鬆",另一便,"死廣東","赤佬",就係對住老番至會低頭,呢的係"傳統",去沙田叫做"旅行",去一次澳門,啊!大陣仗咯!
    南北不和,甚至對砍,幾十年不變,於今為烈!
    細佬個姓氏係北佬姓氏,都好多時遇到"另眼"㗎!

    女報販果張頭條講緊朱德同老蔣打內戰,應該係四七年左右咯!
    第一張,車仔,果位差大哥條褲,真係誇張夠大夠闊,細佬講過,如果係守水塘,火車站,碼頭,秋冬之間,未換季,C更嘅時候,除咗"咪"埋,否則,風吹褲襠,好和味同好甘㗎!直係叫"九叔"㗎!

    回覆刪除
    回覆
    1. 吾等鄉下仔,過一次海,亦當係旅行也。

      刪除
  3. 中央戲院,1940年代。以前曾講過同懷念過嘅大蝦粥就係係右手便條樓梯巷上去少少果度咯!

    回覆刪除
  4. 現在睇番獅子山好雄偉,現在太多高樓大廈擋住晒。

    回覆刪除
  5. 1946s 牛池灣 Rd. Kln.===左邊軍營+機場,是否 Kwun Tong Rd. ?

    回覆刪除
    回覆
    1. .Uncle On : 最近病痛好了嗎? ( Good Luck ).

      刪除
    2. 多謝關心,原來生蛇係咁鬼痛苦嘅,,,"師傅"說,主要係心境,心情,情緒影響咗生理,免疫能力受到干擾,咁就容易領嘢,包括好多奇難雜症,所以一定要保持愉快,淡然,恬靜,多走路,少食多餘嘅食物,少食多餐,,,,
      不過,知易行難,年紀越大,思鄉越切,老婆大人及朋友都叫唔好睇新聞,尤其香江果啲,多散步,可借樣樣都做唔到!好戇居!

      刪除
    3. 平淡是福。
      楓葉國「閉關鎖戶」,有先見之明也。

      刪除
  6. 左邊軍營係越南淪陷大逃亡時做咗過十年嘅難民營,香港人唔見佐計唔到數嘅錢亦向佢地付出不少“愛心”,好可惜,如今移咗民歐美加同埋發咗達嘅越南人士,從未有過“一個”咁多曾經向香港人講過“一句”多謝同感激,以細佬親身海外體驗,有啲越南人士反而惡意相向,恨字當頭,香港人就咁就俾英美聯合國揾咗大老襯!

    回覆刪除
    回覆
    1. 難民營,當年搞到「雞毛鴨血」。
      今日,沒有多少人記得了。

      刪除
  7. 安哥,金碧輝煌嗰架係咩款車呀?~~~投降!爪晒頭,認唔到,係軟頂四門,應該係美國車,但係睇尾燈同線條,幾間廠都搵唔到類此,沙晒冧咯!係果陣時,應該係幾seafood㗎!

    回覆刪除
    回覆
    1. 喺香港揸美國車,真「呀渣」也。

      刪除
    2. 條氣唔順,儍咗咁猛搲,幾個鐘,真係搵唔到,有三樣嘢,呢架車係好特別,第一係軟頂,高級seafood,貴好多,第二後輪輪冚,又係超seafood,第三車尾燈,好特別,,,,,有冇大師可以揭盅呢?吓!
      細佬剛漂流時,打死唔買東洋車,𥘉期買咗部"福特"winster客灣,未夠兩年,保養期未過,差一個月,波箱死咗,馬上脫手,跟著買咗部Buick大水牛,嘩!正,車身夠重,定!揸到大仔回流,唔使咁多部車,先賣咗!十年前,上海鎩羽歸來,仲幻想再有機會返中,返港,為咗要平,整咗部東洋"可怒也",一萬多加刀,頂住先,,,,咁就十年! 再冇機會回頭咯!
      美國佬車近幾年,生性咗,無論車款,性能,耐用都好好多,東洋車反為成日要回收!最低用,好用係韓國車,好熱賣!細仔係都要買東洋三䈊,靚仔車,保險貴好鬼多,肉赤!不過部車真係好型同好性能,死東洋,吹乎!

      刪除
  8. 中正中學,西灣分校。~~~呢的建築先至值得保育㗎嗎,唉,永利街果啲,拆啦!四十年後期嘅相印象深咯,因為已經識性!好似皇后行,舊卜公碼頭等等,果啲好深印象,總覺得果時香江好有"文化"味㗎!啲人情味都好唔同,冇話家陣咁,郁的話掟蕉,果陣時郁的都話"掟轎"咋!
    最記得曾經係永樂街試過做會計公司後生,個姐姐教我打字,果種溫柔,今時還在心頭!
    上環,西營盤,渡過兒童,少年日子,啲相更加惹起"思潮"!

    回覆刪除
    回覆
    1. 唔好意思,係「西環」分校。
      又惹安哥思鄉矣!

      刪除
  9. 港島西區舊照,,鹹魚欄梅芳街?住過一段曰子!

    回覆刪除
    回覆
    1. 唔係咁橋呀!我阿媽講過佢做女時,在鹹魚欄住過,好似係梅芳大廈。

      刪除
  10. 今日「鹹魚欄」,已經冇咁有特色矣。

    回覆刪除
  11. 每次看你的舊照片,都有一種時光飛逝,令人唏噓的感覺!

    回覆刪除
  12. Last picture : 明天一於咸魚蒸豬肉做晚餐.

    回覆刪除
    回覆
    1. 嘩!咁鬼奢侈?鹹魚貴過魚翅呀!筲箕灣東大街賣百幾文一細煲,得兩零咋!食唔起呀!
      堂主大佬有冇去寒舍睇下,攞左的你師公嘅料,想你補充,你料多,细佬想知多啲!

      刪除
    2. 李鐵夫的大弟子陳海鷹,早幾年已辭世了。

      刪除
    3. 如今,香港嚴肅畫壇如何?好似冇乜動作,可能我背,唔知道,不過以前的報紙雜誌,好多都有講吓嚴肅畫壇同樂壇嘅嘢,家陣就只留下時裝,家電,美食,旅遊,,,,,
      未外漂時,曾有一畫家朋友,張若瑟,係百德新街,佢嘅畫大師級,不過冇聯絡好耐咯,唔知近况如何?

      刪除
    4. 張若瑟80年代開了一家真善美美術學院。
      至今仍是校長。
      桃李滿門矣。

      刪除
    5. 記得張校長曾經帶細佬去大潭水塘堤壩下寫生,解釋不同時間嘅光點影响顔色嘅運用,及構圖要訣,咁又廿幾年過咗!

      刪除
  13. 看到那張女報販,中環,1940年代的照片,一時間轉不了過來,以為香港在40年代已有這種超前衛的protest動作,而且是個女中豪傑,實在有點驚訝!

    回覆刪除
    回覆
    1. Life 攝記操刀,的確不同凡響。

      刪除
    2. 仲記唔記得香港攝記有位"大師"陳橋?佢啲新聞照片,絕!

      刪除
    3. 「僑叔」之後,已無「大師級」攝記矣。

      刪除
  14. 僑叔現時生活非常寫意,"老"當益壯,不過少影相咯!早輪呢邊星島同佢出咗本影集,慈善用途,堂主講得啱,雖然器材,以前冇得比,但係攞景嘅構圖,觸角,敏感,都係人控制,其實新聞攝影,最緊要係有"人文","同情","愛心","好奇心",同野心,可惜家陣香江嘅記者,不論文字同攝記,只有一種心,就係"黑心",同埋家陣唔係影菲林,一只芯片過張,咁,按失打時,使乜鬼用心?
    而且,家陣,撻過"記者"身份,天下無敵,自我澎湃兼膨脹,惡晒,咁...邊有靚相?哈哈,唔好意思,堂主係呢行噃,得罪晒,對唔住!

    回覆刪除
    回覆
    1. 張相靚唔靚。
      除咗鏡頭,更重要係人腦。

      刪除
  15. 從前的香港.民風簡樸.人情味濃.謝謝分享.

    回覆刪除
    回覆
    1. 哈哈,懷舊,九成九都係好嘢。
      唔好嗰啲,自動消失也。

      刪除
  16. Today 1630 hrs. to Nelson St. market Mong Kok.
    買了14元一兩鹹魚,問完又忘記甚麼名稱,
    現時感覺很肚餓,等開飯.

    回覆刪除
    回覆
    1. 吳兄:
      我的肚子在打鼓呀!

      刪除
    2. 曹白?馬友?或仔?梅香?講講下,口水流,以前的細路仔戒奶,大多數揾鹹魚㷛糊仔喂,或者鹹蛋黃,或者欖豉,咁又唔多覺有乜問題噃!

      刪除
  17. 懷舊照片真是珍貴!彩色那張「德雲茶樓」看了恍如隔世!在香港島住時,曾經去這間舊式的茶樓飲過一次茶。鴨巴甸街的「蓮香」和「大同酒家」去的次數比較多。
    歌賦街的中西式大牌檔很熱鬧(現已開了店),粥與豬腸粉是我開工前必食的早餐。
    見到中環和銅鑼灣以前的建築物很古典,拆去了真是可惜!

    回覆刪除

苦戀,愛群道

走畢藍塘道,轉入寶雲道。 一路走走拍拍。 看看腕表,已近中午。 全程走完寶雲道,下午便來不及上班了。 於是來個折衷,從寶雲道中央的小徑下山。 走至山腳,發現前面就是熟悉的愛群道。 驚喜的是,一路都是開滿花的苦楝樹。 頭頂是花,腳下也是花。 四野無人,獨享花花世界。 不妨當一下「...