2013年11月7日 星期四

茶樓飯館看當年

港人舊習,晨早上茶樓,飲茶吃點心,啖其「一盅兩件」,然後返工。
清人張德彝《隨使法國記》說:
同治九年(1870年)他經過香港,曾在蘭桂坊楊蘭記茶社少憩。
這是香港食肆最早的文字記錄。
但20世紀初,該茶社已不存在矣。
香港茶居,多設於市區中心繁盛街道,分大茶樓(有樓座)和地檔(只有地下一層)。
地檔又稱「地踎館」。
茶樓、踎館,茶價高下不同。
大茶樓的茶座分等級,茶價由港銅元八仙(銅板)至港毫銀一毫。
地檔則收二仙至三仙。
辛亥革命前後,香港出名茶樓有皇后大道中的「得名」(後遷往灣仔大道東)、「三多」、「得雲」,上環大馬路的「富隆」,十王殿的「平香」。
地檔茶居,在中環荷李活道、威靈頓街、結志街,都有開設。



↑金陵酒家。



↑「卡位」茶居,今日還有乎?


↑茶樓童工,已成陳年舊事。


↑大龍鳳茶樓,澳門新馬路,十月初五日街。


↑大龍鳳,前身為得來茶樓。


↑澳門,龍華茶樓。


↑澳門,龍華茶樓。


↑老茶客。


↑深水埗龍江茶樓,1950年代。


↑豪華茶樓,油麻地佐敦道,1950年代。


↑座落油麻地佐敦道,官涌街市旁的雲天大茶樓,1950年代開業,和其他舊式茶樓一樣,每天早上6時開始營業,直至晚上11時打烊。


↑嘆茶撚雀,一箭雙鵰,雲天大茶樓。


↑嘆茶,兼嘆報紙,雲天大茶樓。


↑蓮蓉包,油麻地,得如酒樓。


↑叉燒包,最啱「打底」。


↑半透表皮,吹彈得破。


↑腐皮雞紥,亦名點也。


↑飲杯茶,吃盅飯。


↑多男茶樓,西營盤。


↑多男今昔,搖頭嘆息。


↑多男酒樓的圓型卡位,椅大而桌小,只合品茗。


↑北豪茶樓,大利冰室。


↑圓型建築物為皇后大道西的金華酒家,左側是富隆茶廳,1970年代。


↑富隆大茶廳,1970年代。


↑高陞大茶樓,1970年代。


↑平香茶樓,永樂街。


↑平香茶樓,永樂街。


↑灣仔「大澳飯店」,旁為興建中的「光華大廈」。


↑左起:大澳飯店、灣仔茶樓、灣仔大飯店。


↑灣仔茶樓西面的「頣園大酒家」,軒尼詩道。


↑蓮香樓,碩果僅存。


↑舊式茶樓保留傳統格局,沿用銅造鴨嘴壺及茶盅。


↑獨有茶盅。


↑蓮香樓,中環威靈頓街。


↑街坊茶樓。


↑大牌檔風采。

56 則留言:

  1. 我重記得呢啲舊式茶樓,座位對下,會擺幾個用鋁做嘅痰罐!

    回覆刪除
    回覆
    1. 除咗有痰罐,牆上也有「不准隨地吐痰」的標語。

      刪除
  2. 睇到這些舊相片,想起我跟亞爺、亞嫲去茶樓飲茶嘅童年歲月。

    回覆刪除
    回覆
    1. 小時候飲茶。
      大包一隻,冇得揀也。

      刪除
    2. 係呀去茶樓或者茶居,真係一個大包就撐飽你,無得食其他點心。去大牌檔好啲,多啲選擇。

      刪除
    3. 舊時啲大包好大隻。
      皮夠厚,饀料也多。

      刪除
    4. Mei Cheung 講得對, 我地細個時叫茶樓做茶居架! 我最愛食大雞包, 餡多料正, 好好食架! 後期的雞包仔相差甚遠! ! !

      刪除
  3. 賀壽一詞尚有人記得否?
    開嚟四眼仔三文拿住照睇,知道係乜來由?
    兩個大晏三個吉水俾果個鞋抽!
    再嚟一個打爛係乜兜兜?
    揸住細蓮兩個大奶係唔係不文咁冇收?
    叉雞飯扣底十三碟又係咁無厘頭!

    以上都係香江歲月一抽抽,睇到堂主嘅相,大部分食肆,細佬都曾遊,睇睇下忽然感觸馬尿流!真真冇收!!!

    回覆刪除
  4. 大牌檔風采。~~~糖水道坑渠,係細佬同班同事吹水兼"對"大力嘅地方,對住就係細佬嘅真正家鄉,北角新邨西座是也!
    等緊堂主再多啲相!!!叩謝兼叩頭!!!

    回覆刪除
    回覆
    1. 一個網頁,怎容得下咁多茶樓?
      呢次要慢慢嘆,加多兩次水也。

      刪除
    2. 安哥: 我講那座上環公廁就在平香大茶樓對面, 負責管廁所清潔的一家人就住在廁所上層。當年平香大茶樓在門口賣的雞尾包軟滑香甜, 冇得彈!

      刪除
  5. 澳門大龍鳳在下午設有下午茶舞時段 有長者唱粵曲

    小時候有跟祖父到得來喝早茶 最記得是那條樓梯 還有桌下的"痰罐" 也有到光顧鄰近的蘭香閣

    回覆刪除
    回覆
    1. 大龍鳳對出的小廣場,也常有粤曲欣賞。
      蘭香閣啲「沙翁」好搶手」呀。

      刪除
  6. 小時候我非常醒目,每月父親出糧後,找一日晨早起床,炸炸啼啼坐係喥,
    等待父親叫去飲茶,一個月份最多2次(搵食艱難).一般食包,別無選擇.

    回覆刪除
  7. "「卡位」茶居,今日還有乎?" : -

    Yes, there still are. Luk Yu, Ground Floor.

    回覆刪除
  8. "蓮香樓,上環威靈頓街" : -

    I would say 中環 rather than 上環.

    回覆刪除
    回覆
    1. 對, 蓮香樓在中環。威靈頓街在中環之內。

      刪除
    2. 蓮香樓最𥘉最𥘉係皇后大道中呢!

      刪除
    3. 應是中環。
      謝謝各位仁兄仁姐。

      刪除
  9. 以前旺角彌敦道瓊華大酒漊,也是卡位型式,窗口掛滿雀籠那種。

    回覆刪除
  10. 上環永樂街的相片見到永利威、奇香、朱有蘭、平香大茶樓(古色建築), 再望遠D就是清華閣茶樓, 獨欠永利威酒行另一頭的添男茶樓! 還有從清華閣轉出電車路的銀龍大酒樓, 永安百貨公司對面的大同酒家(大同後期搬到海安咖啡再過10間左右的舖位, 之後又再遷到西營盤電車路七號差館對面)。由40年代至70年代我都會簡中上清華閣、銀龍和大同飲茶。
    wei-wei實在不明: 70年代之前的香港市民多是生活貧苦的, 但酒家茶樓卻這麼多。

    回覆刪除
    回覆
    1. 飲茶係香港文化及歷史,隨住科技進步,潮流改變,老品牌相繼結業,
      現時年輕人不喜愛飲茶,總之只有老香港去懷舊.

      刪除
    2. 畫眉妹: 想當年,茶樓茶居嘅價錢都唔係好貴,主要係地價仲係好合理,而當時香江職業比較多元化,行街,小販,苦力,店舖伙伴,金山莊"先生",車夫,都係要去食晏晝,等於家陣嘅大記同麥記而已!
      多數係一盅兩件,或者一碟飯一件點心!再者,當時嘅茶樓茶居等於家陣嘅互聯網,茶客間互通消息,互為八卦,有啲行業係互相介紹工作,互通行情,得雲茶樓就好多打金"仔"同裁縫"佬"(係習慣講法,無任何貶意)
      晚上也如是,當時鄉親父老多數係住"劏房",無法轉身,咁,茶樓茶居係最佳休息吹水聚天倫交友地方,一碟牛河,一二碟點心,合皮合皮也!或者一個"錦鹵雲吞",咁就過一晚上也!落樓十文有找,牛河九毛,後嚟個零兩文,再後嚟三四文而已!
      所以,茶居茶樓係"宣洩"社會壓力重要嘅"氣閥"也!

      刪除
    3. 聽過安哥一席話,才知食茶有如此深重意義。畫眉也覺得去茶樓飲茶食飯,特別熱鬧。

      刪除
  11. 小時飲的茶,覺得比現在的好味得多。

    回覆刪除
  12. 平香茶樓,永樂街。~~~~圖中兩女士行起嚟婀娜多姿,娉婷可愛嘅姿態依然飄出照片,係大多數男士地區,更覺突出也,,,,不過講開又講,果陣時女士嘅旗袍,唐裝衫,以及OL衣著,真係"吸引"過家陣嘅"時裝"㗎!

    回覆刪除
    回覆
    1. 欣賞美色係男士應有責任,只要莫涉淫邪!
      美士被欣賞係佢地嘅驕傲,只要對方保持尊重!
      騎騎!!!

      刪除
  13. 舊式茶樓的一盅兩件 , 很快會成絕響了 !!

    回覆刪除
  14. Perhaps 吾兄 would consider going to 陸羽, and take a series of photographs, for us.
    After all, omitting it would seem to make "茶樓飯館看當年" rather imcomplete!

    回覆刪除
    回覆
    1. Mr. John : You and I 夾錢請堂主去陸YU飲茶,所謂糧草先行,
      為人民服務,辛苦哂喇 ! 同志.

      刪除
    2. Sure! I'll be delighted to do so if 堂主 is willing to go.

      刪除
  15. 陸羽茶居太典雅,茶博士眼光瀟灑,若非熟客兼富貴,唔使旨意會開茶.

    回覆刪除
    回覆
    1. I guess it will be OK if 堂主 goes, have a meal, and take some pictures la..

      刪除
    2. 未至如此差, 地下飲早茶我也去過, 服務不差啦!

      刪除
    3. 陸羽伙記,出名串過碼頭姑喱。

      刪除
    4. 一試便知「龍與鳳」。
      可惜日日「褲穿窿」。

      刪除
    5. 未上黃山還有夢,一上便知褲穿窿!
      食家寫嘢難置信,皆因都係托水龍!

      今時今日,乜嘢都靠吹靠捧,一個塑膠造嘅手袋,整幾個拉丁字母,咁就賣幾萬,十幾萬,皆因追風尋夢也!

      一間係"當時"裝修跟出品一般茶居,皆因吹捧便成龍,時也!命也!

      想當年,威靈頓街萬國茶樓,古式古香,如今安在,連所有懷舊網頁專欄都冇人提及!

      去亦無妨,不要存厚望耶!

      刪除
  16. 茶樓飯館看當年~~~好多以前(其實唔係好耐)嘅茶樓食品已經唔見咗,或者唔同咗,或者變質咗!
    唔知道係今不如昔,或者昔不及今咯!

    灌湯餃冇咗影,,,家陣果啲係"浸湯餃",成隻餃浸係上湯而己,想當年,係一籠一隻,完完整整大大隻嘅乾淨企理,顏色漂亮嘅餃子,夾起放係碗內,一咬,裡面嘅湯標出嚟,,,,,

    淮山雞扎,,,係用淮山扎扎住一件雞,爆沙肚,冬菰,火腿,味道鮮美,清淡可口,原因,魚肚吸收雞汁,淮山又係索咗啲肉汁,用淮山係取其健脾開胃也,有藥理㗎!

    豬潤燒賣,,,果陣時係用大大塊嘅黃沙潤,搭半肥瘦肉丸,潤滑而有豬肝香味,家陣好少酒樓茶室有賣嘅,就算有,果塊豬肝又細又堅韌,死死實實,一陣涷肉味!

    糯米雞,,,家陣啲"完全"唔知係乜!想當年,好似裹蒸粽咁大,(細少少),饀有雞塊,臘腸,冬菰,肉粒,鹹蛋,筍絲,一隻夠晒飽,,,如今只係有啲唔知乜嘢嘅肉末而已!搵笨!

    鵪鶉蛋燒賣,,,,消失,近於消失!

    乾蒸牛肉,,,,消失,近於消失!,如今所謂牛肉燒賣,只係亂肉嶙峋而已,昔日牛肉燒賣,一陣陳皮香味,牛肉丸有馬蹄,肥豬肉,陳皮!

    錦鹵雲吞,,,,炸雲吞,跟酸甜八珍同上,有雞腎,肉片,魷魚,燈籠椒,豬潤,豬肚,,,去年大兒子知老父喜歡,帶去某"大"酒樓",嚟一個"所謂"錦鹵雲吞",簡直離譜,,,乜料都冇,撈落下,不知名肉塊幾件!!!唔酸唔甜,,,唉!

    八珍炒麫,,,,又係消失,近於消失....

    仲有,,,,都係消失,近於消失,,,"時代巨輪"真係無情,,,,,,,,

    回覆刪除
    回覆
    1. 就連大飽都唔係周圍有啦!腸粉就浄係得牛腸、蝦腸、叉燒腸,連豬潤腸粉都冇埋!以前啲叉燒飽係開口嘅,中間見到一截紅噹蕩、香噴噴嘅叉燒,而家嗰啲包到冚,賣相輸晒!

      不過,喺大型連鎖店唐記就有返鵪鶉蛋燒賣食,雖然同以前嗰啲有少少分別,但都算似模似樣,叫做可以聊以自慰咁啦。

      刪除
    2. 唔知係唔係同啲所謂健康飲食文化有關,而家但凡係同豬潤呀、珍肝呀等等用動物內臟做料嘅食品全部消聲匿跡,其實計我話,咁多好嘢唔食得,又要咁健康嚟做乜呢?

      刪除
  17. 陳皮鴨麫,雙喜樓用盅另上,湯清陳皮香,肉滑靚湯無得講,,,又係消失,近於消失,有好多食肆都冇做,或者做到唔湯唔水,出到嚟仲係未溶晒雪,唉!

    大飽就算有都已變形,圖有外表,內裡情景堪驚,往日皮薄饀靚,今日只有喊一聲,當年有雞,有鹹蛋,有肉片,有冬菰,有時有叉燒,又香又紥實,一個就飽成日!

    乾蒸燒賣蒸出嚟真係"乾"口,果枕皮係乾爽嘅,家陣啲水淋了頼!

    蝦餃,,,何謂假餃? 有淡水蝦,半肥瘦枚頭,有筍絲,唔係家陣咁,一味係蝦,,,(雲吞又係),,,咁樣不如就係食蝦,仲好! 係唔係! 而家世情如此,假作真時,真冇地位!

    就算係春卷,今日都唔多受歡迎,又係唔同往日,體積太細,內容敝翳!

    唉,講得多無謂,細佬追唔上時代矣!

    其實好愀心㗎,今時今日嘅香江,好多嘢真係變鬼咗,,,,茶樓點心,粥粉麫,流行粵語歌調,都係日似下坡車,,,,

    回覆刪除
    回覆
    1. 「即食文化」大行其道。

      刪除
    2. 其實唔係"即食文化"嘅影響,而係"無厘頭"改良者之過也!事上好多事物,點解唔係咁隨便"改良",梗係有原因!不過家陣時興"乜花物花革命",喜歡"聞煮"同"直吮",唔理三七廿一,乜都話改,咁就死實!
      點心何以叫點心? 係要做嘅要有"一點心",體形又係要"一點"咁深!食落去又係要一𣷀就"甘"!
      家陣啲人做嘅冇心,體形一埞金!食落去一喳味精粉,死唔死!

      刪除
    3. 食落去又係要一啖就"甘"!

      刪除
  18. 仲有,仲有,蔴蓉包,豆沙包,燒腩卷,,,,蔴蓉包,而家少有,有都冇咗芝麻香!
    盅頭飯又係唔同咗,有幾間,竟然細到得啖飯!
    蛋散,,,就算有都係細咗,冇咁脆,奀挑鬼命!

    講起盅頭飯,五十六十年代石塘咀德輔道西近屈地街,有一茶居叫永春茶室,係後欄設有數大雞籠,活雞活吃,出幾多雞紥,叫多盅雞飯,捉雞即劏....
    真正北菰雞飯,北菰夠香,雞件夠滑,飯係元朗絲苗,盅頭係老冚盅,一出爐,賀壽老倌一大竹盤係廚房出嚟,雞香,菰香,飯香飄滿全廰,茶客一陣騷動,馬上掃清!
    細佬每次回鄉都四出搵食,可惜"往事不須記"也!

    最失望係"老舖"失水準越來越甚,,,以粥為例,中環羅乜記係細佬至愛,但係,,,,,,,,

    回覆刪除
    回覆
    1. 冰鮮雞嚟實晒心,豬肉加料化學品,
      油鹽醬醋係乜嘢,來源如夢有排尋!

      所有食材都有問題,要做好嘢唔使睇!!!

      刪除

苦戀,愛群道

走畢藍塘道,轉入寶雲道。 一路走走拍拍。 看看腕表,已近中午。 全程走完寶雲道,下午便來不及上班了。 於是來個折衷,從寶雲道中央的小徑下山。 走至山腳,發現前面就是熟悉的愛群道。 驚喜的是,一路都是開滿花的苦楝樹。 頭頂是花,腳下也是花。 四野無人,獨享花花世界。 不妨當一下「...