2013年11月16日 星期六

遊山頂,做老襯

那天放假,遊山頂,做老襯。
太平山頂,舊時有「老襯亭」。
而今已改頭換面,名曰「凌宵閣」矣。
山下景物,亦已面目全非。
「老襯亭」建於20世紀初,只是一個觀景亭。
「老襯」在粵語中有愚笨之意。
「被人搵老襯」,便是「給人佔便宜」,受騙也。
是日天朗天氣清,唔冷唔熱。
遊山頂,甘做「老襯」也。



↑灣仔,軒尼詩道。


↑中環,中銀大廈。


↑金鐘,電車總站。


↑堅道,明愛大廈。


↑堅道,合一堂。


↑港大校園。


↑港大,蓮花池。


↑港大,校園。


↑港大,校園建築。


↑大學道,由此登山。


↑樹蔭香車。


↑孤身我獨行。


↑沿路風光。


↑維港乍現。


↑意態撩人。


↑龍虎山,環境教育中心。


↑松林兵房遺址。


↑林蔭小徑。


↑樹影婆娑。


↑山頂廣場。


↑天外來客。


↑天空之城。


↑廣場俯瞰。


↑凌宵閣全貌。


↑維港俯瞰。


↑坐車頂。


↑山頂餐廳。


↑山頂風景。


↑舊建築物。


↑英式涼亭。


↑小噴泉。


↑舊更亭,之一。


↑舊更亭,之二。


↑舊更亭,之三。


↑舊更亭,之四。


↑舊更亭,之五。


↑舊更亭,之六。

 ↑紅楓乍現,之一。


↑紅楓乍現,之二。


↑冬日杜鵑。


↑山頂公園,之一。


↑山頂公園,之二。


↑山頂公園,之三。


↑山頂公園,之四。


↑山頂公園,之五。


↑山頂公園,之六。

20 則留言:

  1. 堂主,名不符實喎,唔見老襯亭,又唔見老襯喎!我前一排就去過中大行過,影咗啲相,不過唔敢貼出來。

    回覆刪除
    回覆
    1. 仲未行到上山頂呀!
      中大幾靚架!
      點解又收收埋埋呀?

      刪除
  2. 大哥,細佬又嚟打鑼咯!
    睇到龍虎山幅相,記起1970年5月17日, 龍虎山雙屍案, 精神病漢殘殺一男一女情侣,並棄屍薄扶林山上,後嚟成為電視十大奇案集之一!
    山頂盧吉道又係係差唔多年份,發生一奇案,一名編號孖七孖四(7744)嘅軍裝警員晚上獨自巡邏,無端俾一名歹徒狙擊,奪去配槍,向佢開咗四槍,該警員真係命大,槍聲驚動一名住係附近老外,老外報警外,仲用私家車載佢出山頂纜車站,省郤救傷車搵佢嘅位置,咁就救番佢一命!

    仲有,睇大哥山頂影嘅相,多咗好多A貨嘅"假"懷舊道具,例英式涼亭等等噃!下次返嚟,都要行下睇下,睇係有幾多"橫店"味咯!

    回覆刪除
    回覆
    1. 安哥大佬:
      鐵涼亭真係「堅嘢」嚟架!

      刪除
    2. 老人痴呆症,,,,不過以前真係好似冇乜印象,行街時期,有好多時谷鬼氣,會走上去透氣,又拍親拖,山頂都係必然之地,,,,
      下次返鄉,掹住堂主衫尾去睇下!

      刪除
    3. 安哥顧住拍拖。
      心無旁鶩也。

      刪除
  3. 天朗氣清 , 山頂公園顯得特別美麗 , 單看相片也感覺良好 !!

    回覆刪除
    回覆
    1. 凌宵閣人頭湧湧如趁墟。
      山頂公園則非常清靜也。

      刪除
  4. 其實凌宵閣唔係老襯亭,老襯亭應該係過咗些少,果個細細地嘅"亭"先至係!不過家陣好多人都"以為"凌宵閣就係老襯亭!
    有冇鄉親父母兄弟姐妹唔認同?細佬好有可能係錯過噃!
    不過山頂真係去好多,尤其六十年代,因老細菲沙住係山頂,好多時要拎野上去俾佢!

    回覆刪除
    回覆
    1. 老襯亭有幾個說法。
      另一說係附近的「觀景亭」。
      但「不起眼」。
      通常走過咗都唔知也。

      刪除
    2. 冇錯,由始至終「凌宵閣」都只不過係山頂鑬車站,叫吓叫吓,都冇人知這邊個係老襯亭啫。

      刪除
    3. 以為山腳翻天覆地。
      原來山頂也是一樣。

      刪除
  5. 舊嘅老襯亭去過一次,新嘅就去過兩次咁多咋。

    回覆刪除
    回覆
    1. 舊亭九七前便拆了。
      七八十年代,遊人不多。
      如今假日,就像趁墟。

      刪除
  6. wei-wei結婚居住青年台, 兩年後入住山市街, 從70年代中wei-wei和家人常從蒲飛路巴士總站行上老襯亭, 或向南走, 經水塘出香港仔。
    從堂主這輯相片知道山頂很多景物比舊時更吸引。那一年開闢了個"龍虎山環境教育中心"? wei-wei印象中的松林兵房遺址是個迷宮。堂主拍攝技巧一流, 凌宵閣全貌影得好正。wei-wei以前愛在山頂餐廳嘆下午茶, 欣賞日落。英式涼亭, 好似未見過! 山頂公園之一之二沒有改變, 山頂公園之三之四, 多了個涼亭和鮮花的園圃, 更惹人流連!

    回覆刪除
    回覆
    1. 山頂公園非常清幽。
      跟山頂廣場相比,簡直兩個世界。

      刪除
    2. 嘻嘻,有亞姐證明,家陣山頂有B貨喇!摷緊舊相以證之,,,,,,

      刪除
  7. 太平山頂留有不少回憶,由盧押道走入去看海景,走走半圈已很有山林的風味。

    回覆刪除
    回覆
    1. 更正:在山頂的應是“盧吉道”。“盧押道”在灣仔軒尼詩道。

      刪除

苦戀,愛群道

走畢藍塘道,轉入寶雲道。 一路走走拍拍。 看看腕表,已近中午。 全程走完寶雲道,下午便來不及上班了。 於是來個折衷,從寶雲道中央的小徑下山。 走至山腳,發現前面就是熟悉的愛群道。 驚喜的是,一路都是開滿花的苦楝樹。 頭頂是花,腳下也是花。 四野無人,獨享花花世界。 不妨當一下「...