2013年9月26日 星期四

高士威,維園

高士威道,英文名Causeway Road,意思為「海堤道」。
高士威道位於港島銅鑼灣天后,西接怡和街,東接英皇道,長約530米。
這條道路分隔了東區及灣仔區。
北面的維多利亞公園屬東區。
南面的皇仁書院和香港中央圖書館,卻屬灣仔區。
奇哉妙也。
維園久不久便走一趟。
春遊花展。
冬賞楓葉。
仲秋觀燈。
下面所貼,乃六十年代的維園。
從爛地一塊,到綠蔭婆娑。
亦滄海桑田之縮影也。



↑銅鑼灣,維多利亞公園,1960年代。左下角可見「銅鑼灣裁判署」,即今「天后」地鐵站。


↑維園西北角,舖了草皮,栽了樹苗,仍未有公園的感覺。

 

↑維園西北角,樹木長高了少少,右邊沿海處尚未修建「維園道」。


↑維園露天泳池。今年「退役」矣。


↑華麗的泳池,與周邊荒涼的環境格格不入也。


↑舊池新館。


↑維園「摸蝦」。


↑珠姐推介。


↑俯瞰維園,遠處灣仔填海工程如火如荼。


↑維園俯瞰,遠方可見跑馬地。


↑維園俯瞰,左方可見興發街、裁判署,1981年。


↑東區走廊在維園旁匯合。


↑北面尚未填海的高士威道。


↑尚未規劃的維園,未建天橋的高士威道。


↑高士威道起點,右上方可見維園一角及旁邊的停車場。


↑怡和街、高士威道交接處。左方高樓乃「豪華戲院」。


↑怡和街、高士威道交接迴旋處。


↑高士威道,華都飯店。


↑高士威道,華都飯店。


↑「華都」摺咗,豪華戲院不再豪華。


↑未建天橋的高士威道。


↑未建天橋的高士威道。


↑橫跨高士威道的大坑道天橋。


↑高士威道往西望。


↑豎立於高士威道旁的中央圖書館。


↑QC,高士威道的名校。


58 則留言:

  1. 維園泳池我也幫趁不少, 但我至今仍未懂游泳!

    回覆刪除
    回覆
    1. 露天泳池「退休」了。
      旁邊建了室內池也。

      刪除
    2. 現代人都身驕肉貴了!

      刪除
  2. 高士威道起點,右上方可見維園一角及旁邊的停車場。~~~~圖中電燈柱頂位置是牛奶公司雪廠,該處亦是一小運河,時有載冰船缷冰,風景甚似歐洲荷蘭!!!也是俱往矣!
    怡和街、高士威道交接處。左方高樓乃「豪華戲院」。~~~~當時港英當局的城市設計,多是噴水池處處,文化味度度,文明晏晏然!!!遮蓋了官員貪污泛泛,社會不平漫漫,窮者淚漣漣,富者奴僕多多(其實那時的貧富縣殊比今還利害得多也!

    回覆刪除
    回覆
    1. 安哥好幾天冇「拋頭露面」。
      不禁惻惻然,幾乎淚漣漣也。

      刪除
  3. 皆因受到教主呼喚,要禪修,重新練習圓滿圓滿也!

    回覆刪除
    回覆
    1. 幾耐「禪修」一次呀?
      以為咩事「玩失蹤」也。

      刪除
    2. 哈哈,第N次更年期症候群,突然萬念俱灰,乜都冇心機做,包括上網,只係發吽豆!
      而家細佬住果度,開始冬季兼雨季,一日落雨落到黑,要落到出年三月,好快日落,呢幾個月係好難頂,想自殺咁滯!
      禪修呢家嘢,信者有,唔信嘅,你顛頭倒腳,攪東攪西都係唔掂!其實係心理也!其實最好係散步同遠足,行下城門水塘,行下尖東海堤,乜醫生都唔使睇!

      刪除
    3. 我都係呀!
      有時半夜紥醒,好似唞唔到氣咁。
      晨早行下街影下相。
      咁又「醫」返好喇。

      刪除
    4. 堂主保重!安哥,唱多啲歌仔,心情自然好!

      刪除
    5. 既然如此, 安哥不如每年回港過冬。

      刪除
    6. 阮囊羞澀,寸步行難也,都唔知幾想同堂主去蓮香嗲下,跟住行下薄扶林水塘,傍晚去西環睇下夕陽!!!艱難大生活真係艱難,,,,,,又要講一句,香港真係福地,鄉親父老真係要"鏡鍚"呀!!!

      刪除
    7. 老安客氣了! 金錢用去還復來, 越用越有。很多已移居艱難大的港人近10年都5個月在港避寒, 7個月享受北美生活, 一年裏聲音兩邊走。

      刪除
    8. 安兄在加國,wei-wei 在美國,都有陸路可通,幾時兩位回港,秋葉請兩位上茶樓飲茶吧。

      刪除
    9. 嘩,有茶飲,報定名喇!

      刪除
    10. 哈哈,難得堂主噉俾面,實有你份!

      刪除
    11. 講真啲,美國搵食係機會好啲,係容易啲,記得我初移民,多倫多同滿地可嘅朋友都勸我不要定居溫哥華,佢地話溫哥華係死地,等死嘅地方,有啲老友甚至親自飛過嚟勸我走,美國嘅死黨更加馬上搵律師話同我攪去美國,但係老妻去完多倫多,滿地可同三藩市羅省等地後同我講,如果唔係溫哥華,不如返香港,咁就冇符!
      至於美國,老鬼係七十年代,八十年代同九十年代都有機會去,八十年代曾工作一小段時候,不過真係唔喜歡美國,理由?老鬼曾經係"左仔"囉!

      刪除
    12. 「氣管炎」,冇藥醫。

      刪除
    13. 唉,夫婦之道就如"涼瓜",有啲時候都要食吓"罐頭五香肉丁",,,,,,,免"炒"也!
      工車何士尺!!!

      刪除
    14. 唉,夫婦之道就如"涼瓜",有啲時候都要食吓"罐頭五香肉丁",,,,,,,免"炒"也!
      工車何士尺!!!

      刪除
  4. 嘩!上面呢句野嘅威力真大!網頁要老鬼認定聯絡資料,半審查!原來自由唔係絕對個喎!卡卡,第日唔敢用呢啲野講笑!

    回覆刪除
    回覆
    1. 少講「教主」。
      多講「堂主」。
      包冇「撞板」。

      刪除
  5. 泳池附近真係好荒涼!游完水之後,重要練吓腳力搵車搭!俾著依家,咁嘅配套! 肯定俾市民同議員炳到暈!

    回覆刪除
  6. 維園嘅變化正是滄海桑田。

    回覆刪除
  7. 維園「摸蝦」,好功架,京都飯店好似座工廠大廈咁﹗

    回覆刪除
  8. 美少女 寶珠姐 人見人愛!

    回覆刪除
  9. 這些相片何其珍貴,加上caption就更加如虎添翼。LIKE!

    回覆刪除
  10. 堂主的懷舊照展,真是百的不厭!

    回覆刪除
  11. 上則留言的句子,應是「百看不厭」。特此更正。

    回覆刪除
    回覆
    1. 謝謝堂主包涵,秋葉打字隨想隨手打,又貪快亂打一通,偶然會按錯隔籬。
      若不更正,就變了差不多先生。

      刪除
  12. 作者已經移除這則留言。

    回覆刪除
  13. 蒼海桑田 , 一些地方已面目全非了 !!

    回覆刪除
    回覆
    1. 有條「時光隧道」就好了。
      唔使「齋睇」也。

      刪除
    2. 作者已經移除這則留言。

      刪除
    3. 如果真的是有條「時光隧道」就好了!重新一走,結果改寫。
      從前的荒涼世界,事實有點悲哀。可是當年熱鬧非常的北河街市集,個人確是很想再去領略那兒時的世界!

      刪除
  14. 想懷舊又點可以唔睇你個網◕‿◕

    回覆刪除
    回覆
    1. 得閒就嚟懷舊喇。
      等住睇你啲靚相。

      刪除
  15. 維園舊泳池要好好回味了!
    新的樣子也不錯的!

    回覆刪除
    回覆
    1. 舊泳池已成明日黃花!
      新泳池wei-wei未必見得到!

      刪除
    2. 作者已經移除這則留言。

      刪除
  16. There is my new photograph, hope it's not clear enough to let people see what is in it lol....

    回覆刪除
    回覆
    1. 約翰兄何妨示以「廬山真面目」?
      新照舊圖一起上呀!

      刪除
    2. That pic was about 40+ years old. And I do not have a suitable current pic to upload, sorry about that.

      刪除
  17. Noticed that you have uploaded exactly 20 posts onto your other(Big Six) site yesterday(29/9). 'Gung Hei' la.
    With this rate, surely you would be able to upload all your old posts onto either the HK, or Big Six, site.
    "Add Oil" brother!

    回覆刪除
    回覆
    1. 回深圳,只好轉「大六」台了。

      刪除
    2. That's nice. At least you will have a chance to upload things onto the other site when you are not in HK. But the number of posts in HK site is still very small - 200+ vs 20.

      刪除
  18. 懷念維園泳池,我在維園學懂游泳的。
    剛在下環風韻留下了我的網址,請留意!

    回覆刪除
    回覆
    1. 原來去咗遊埠嘆世界。
      我哋做到隻「積」咁呀!

      刪除
    2. 月初到東北三省,去了廿多天,
      回來未唞夠就著手搵屋搬竇,
      從頭適應摸索都一頭煙呀!
      雅虎幾次大遷徙,今次算是最浩蕩也。

      刪除

苦戀,愛群道

走畢藍塘道,轉入寶雲道。 一路走走拍拍。 看看腕表,已近中午。 全程走完寶雲道,下午便來不及上班了。 於是來個折衷,從寶雲道中央的小徑下山。 走至山腳,發現前面就是熟悉的愛群道。 驚喜的是,一路都是開滿花的苦楝樹。 頭頂是花,腳下也是花。 四野無人,獨享花花世界。 不妨當一下「...