安哥好介紹。
早上專程到上環飲早茶。
係安哥指定的「海安咖啡室」。
過了上班時間。
吉位任坐。
叫了一杯「招牌咖啡」。
一隻「脆豬」。
咖啡香夾滑。
「脆豬」果然爽脆。
室內陳設「原汁原味」。
高樓底，長吊扇。
好有懷舊feel也。
↑安哥，先「醒」你一杯咖啡。
↑一杯咖啡，一隻「脆豬」，盛惠25蚊。
↑懷舊電話。
↑室內陳設好有懷舊味道也。
↑「海安咖啡室」外觀。
↑干諾道西17號。
↑嘆完茶，行下街。
↑認真夠「棧」。
↑有記合依然健在。
↑拉上鐵閘的「福德宮」。
↑新會學校，太平山街。
↑樂古道色彩繽紛的舊樓。
↑上環多「趟閘」。
↑好在「花臣」多。
↑窗外風景。
↑一線生機。
↑打道回府。
早上專程到上環飲早茶。
係安哥指定的「海安咖啡室」。
過了上班時間。
吉位任坐。
叫了一杯「招牌咖啡」。
一隻「脆豬」。
咖啡香夾滑。
「脆豬」果然爽脆。
室內陳設「原汁原味」。
高樓底，長吊扇。
好有懷舊feel也。
↑安哥，先「醒」你一杯咖啡。
↑一杯咖啡，一隻「脆豬」，盛惠25蚊。
↑懷舊電話。
↑室內陳設好有懷舊味道也。
↑「海安咖啡室」外觀。
↑干諾道西17號。
↑嘆完茶，行下街。
↑認真夠「棧」。
↑有記合依然健在。
↑拉上鐵閘的「福德宮」。
↑新會學校，太平山街。
↑樂古道色彩繽紛的舊樓。
↑上環多「趟閘」。
↑好在「花臣」多。
↑窗外風景。
↑一線生機。
↑打道回府。
嘩!真係好感動,掟轎,掟轎,啲捷記(榮)㗎啡香味由條"畸寶"傳到過嚟!攪到客家婆話我儍咗喎!
回覆刪除嗱,原汁原味呢!啲枱,椅,卡位幾十年竟然不變,,,,地磚亦如是,,,連隻杯都好似舊時,鉄閘一樣,,,,,個電話攞去拍賣,都值錢㗎,不過,,,,,招牌改咗些少(有可能細佬記錯,,,六十年有多),,,,海安冰室是也!想當年,最剎死嘅係紅豆冰,蓮子冰,仲有克戟!再加上"老式"西多士!果陣時啲西多士,老年咁大塊,炸出嚟上面整"磚"牛油,攞住一樽金黃色太古糖漿,淋落去,,,,,嘩,,,,,,嘩
細佬好擔心呢間老舖會好快消失,,,,
克戟呢樣嘢,恐龍咗囉,七十後都唔會知係乜!
果時,海安對出電車路就係海,仲未填海,睇住填海變新填地...
睇到堂主咁有心,替細佬探視懷古老店,感動萬分,回憶童年,,,六十餘年轉眼過去,今已耋年七張已至,時光流逝之快,有些慄然,不禁飄出,,,,
初唐陳子昂〈登幽州台詩〉：「前不見古人，後不見來者。念天地之悠悠，獨愴然而涕
下」
前父偕而來,今以友代看,念環境之無奈,獨嘆息而唏噓
好想好想馬上返嚟,,,惜.......奈何!
嗰隻「脆豬」真係「卜卜脆」。
刪除上面啲牛油仲暖暖地。
加上少少甜嘅煉奶。
一口咬落去。
真係「口甜舌滑」也。
知安哥者莫若堂主也。
刪除出師有名，多得安哥帶挈也。
刪除海安旁邊那條巷仔名新街市街, 是wei-wei土生土長的地方。莫非安哥和wei-wei是童年的街坊?
刪除兩位大哥大姐該好好溝通溝通也。
刪除冇咗堂主, 溝通不成!
刪除你們一起回來。
刪除我請飲茶，嘆海安咖啡。
堂主:可唔可以請埋我呀?我地應該都係同「村」人喎!
刪除宋·蘇軾《和子由澠池懷舊》詩：“人生到處知何似，應似飛鴻踏雪泥。泥上偶然留指爪，鴻飛那複計東西。”
刪除永樂街頭有泥影,兒時常到食刨冰,青春歲月常到訪,皆因我有一段情!
永樂街留下細佬不少回憶兼眼淚,一街一巷皆是情也!
家父病入膏肓時我陪伴他左右, 聆聽他日日說的同一故事: 他說他的太爺是舉人, 我們是蘇東坡的後人。其實他是痴人說夢話呢! 不過他的太爺是舉人是正確的。
刪除「永樂街頭有泥影,兒時常到食刨冰」,刨冰? wei-wei未吃過呢!添男茶樓wei-wei就去得最多, 清華閣茶樓間中有幫襯, 平安茶樓熱騰騰出爐的雞尾包至今無法忘懷!!! 永樂東西兩條街就由公廁作分界。wei-wei每天都從永樂東街頭走到永樂西街尾。
兒時,老父晚上常往永樂街同棧探同村兄弟,梗係去海安坐,細佬例牌食刨冰同埋克㦸!
刪除青年時佳人係年豐行附近住,一星期七日半都係度屯;屯轉也!
史坑巷潮州大牌梢檔係夜宵常客耶!
日後兩間潮州菜名店尚未成名!!!
90年代初,我响上環番工,都有去潮州巷食飯。我地成班同事鍾去樓上果間,舖頭有隻貓,招呼我地果伙計,我地暗裡叫佢做煙屎牙。卻錯過海安,失策。
刪除安哥: 我講的公廁是在上環街市(賣魚和瓜菜)對面的。潮州巷大牌檔是從文咸街南北行入, 亦通往皇后大道西。後來斗記最有名, 富人家坐私家車去幫襯。
刪除同棧, 是否買榨菜、梅菜、大頭菜.....之類的舖頭?
窗外風景真抵死,
回覆刪除堂主"嗱咤"夾頑皮,
好影唔影影米袋,
俾人淋水冇出奇!
其人心術不正,鏡頭唔清,平時假正經,呢次影相露咗形!!!啋,咁都影,我秧!
窗外飄搖萬國旗，朝陽映照無禁忌。
刪除秋風送爽好晾曬，污糟嗱咤無碇企。
下星期去上環買臘腸，必要去試試！！！
回覆刪除舖面不起眼。
刪除一不留神便走過。
十點打後人唔多也。
今年12月我在港, 到時約齊網友在海安飲杯茶食個飽, 然後行街街去影相, 人人自費好了, 吃得開心又自在。
刪除感謝 wei-wei 通知前來，原來12月妳會回港，約同海安茶叙，小妹定當赴會，與 wei-wei 吃喝行街影相，一樂也！
刪除可否上載照片，以便相認呀？
秋葉,70歲婆婆雖然未至老態龍鍾, 但短髮, 全頭白晒, 就是wei-wei的招牌了!
刪除Wei-wei , 我知妳常常說自己70歲，但如果妳染咗髮，我就唔認得妳啦！
刪除我都一把年紀啦！不過多次死過番生，於是快樂度日，心境常青。哈哈。
心情開朗病魔遠離我。wei-wei冇染髮六年了, 短白髮自己感到很清爽!
刪除好彩讀這篇網誌的時候是食緊飯，如果無係，都唔知點同個五臟廟交代！
回覆刪除食緊飯上網，對唔住「五臟廟」喎。
刪除鍾意舊式茶餐廳或食肆嘅懷舊味同人情味。
回覆刪除可以隨便影相。
刪除最啱發燒友。
作者已經移除這則留言。
回覆刪除呢間茶餐廳確實好適合強國自由行旅客,我相信係全港唯一一間可以准吐痰嘅餐廳!
回覆刪除上面有「不」。
刪除影漏咗也。
感謝 wei-wei 通知前來趕集！原來12月妳會回港，約同海安茶叙，小妹定當赴會，與 wei-wei 吃喝行街影相，一樂也！
回覆刪除可否上載照片，以便相認呀？
70歲婆婆雖然未至老態龍鍾, 但短髮, 全頭白晒, 就是wei-wei的招牌了!
刪除關於時間, 等約齊人數再決定。希望堂主義氣擔大旗帶我們到處逛。更希望安哥飛回來同堂主一起為我們作導遊。我從來没有約過網友見面的, 但今年例外。
12月初上旬小妹沒有空間，wei-wei 想要組成四人攝影幫，真是有意思。
刪除祇是安哥要請示安嫂，祇怕不容易批准哩！到時可能請埋安嫂一起來熱鬧，真高興！
Wei-wei , 中上環斜路多，平路則可，上斜就咪預我。行平路去攞景，搭電車，就夠懷舊啦！
刪除在海安嘆完茶再行街街是公開的約會, 歡迎人人參與, 但我希然堂主擔大旗。
刪除秋葉暫定12月14(星期六)可以嗎?
堂主: 秋葉已向我說明:「因近日家中瑣事覊身，心情亦欠佳，所以不會出席好友之約了。」, 所以wei-wei希望堂主定個日期(要在星期六/日), 讓我早作準備, 以免跟親友的約會撞期。
回覆刪除wei-wei：
刪除我平日上午才有時間。
周六日反而冇時間哩。
小弟個性獨來獨往。
「擔大旗」怕有難度也。
了解、明白, 有緣再會吧!
刪除堂主，海安近上環地鐵嗎？
回覆刪除上環站C出口，往西面走兩個街口。
刪除就在西港城旁邊。
干諾道西17號。
堂主: wei-wei要借用第五張圖片在12月初出篇網誌, 約網友在海安咖啡室食早餐, 然後坐叮叮叮行街街。
回覆刪除請隨便。
刪除到時得閒，我會來的。