懷舊微縮景物展一個接一個。
讓人目不暇給。
最厲害的一次，在中環展成館。
人多時，要「攞籌」排隊。
非常「墟冚」也。
其實，香港咁多展館。
闢出一角作永久展覽。
誰曰不宜？
↑懷舊玩具。
↑流動小食車，已成歷史矣。
↑士多，買少見少。
↑兼售「馬票」的報攤。
↑巴士模型，惟妙惟肖。
↑搪閘單層巴士。
↑「騎樓」風情。
↑夜景一樣咁靚。
↑上環夜色。
↑婚嫁「專門店」。
↑手製皮鞋。
↑閣樓的書桌。
↑芽菜，豆腐。
↑有仔記，60年代著名茶樓。
↑舊式髮廊。
↑茶煲、水桶，昔日必需品也。
↑1960年代，生火燃料用「火水」，煤油也。
↑火水爐，睇真啲。
↑灣仔「和昌」押。
上次貼過一些「鐸也」照片。
意猶未盡，再增貼幾張。
船塢曾是香港輝煌之行業。
值得懷舊也。
↑一九六五年，黃埔船塢的造船台。
↑對岸建築物為紅磡黃埔船塢，攝於1890年代。
↑鰂魚涌的太古船塢，一九六五年。
↑太古船塢建造的第一艘蒸汽輪船「山西」號準備下水，1910年。
（待續）
太古船塢曾為香港驕傲工業之一,係六十年代末曾建造近二萬至三萬噸遠洋貨輪,而且設備係當年最先進,除日本外係亞洲數一數二造船廠,南韓係果陣時仲未瞓醒,大秦地方更加唔知造船係乜!....又係果句,俱往矣,,,,,
回覆刪除不過家陣香江有一樣嘢係世界第一,全世界冇國家冇城市冇地方咁鬼威嘅,係香江之光榮與驕傲,,,,係乜呢?
上街囉,上街嘅頻繁率係世界第一,上街人數又係世界第一,差佬嘅忍耐無力又係世界第一,香江幾咁威水!!!好嘢呀!唔係咁易學㗎!
港島太古，半島黃埔。
刪除今日高樓，昔日船塢。
啲推閘巴士我好深印象,個賣飛佬通常會一隻腳企喺度,另一隻腳撐住個閘,以防有人途中拉開個閘,造成危險!
回覆刪除早期有過女售票員。
刪除巴士咁「迫夾」。
真係唔知「點頂」。
想當年也曾申請九巴巴士守閘員,要考默書,同考差人一樣,(人工差唔多,記得仲比差人好啲啲)唔淮錯幾多個字,過咗默書果關,竟然過唔到體重,差磅幾兩磅,玩完!
刪除巴士售票係從守閘員升上!
有啲守閘好KT,博矇兼索油(其實係非禮),好多女工友敢怒不敢言,就係"講鷹"時代嘅實况!所以細佬見到有九十后或"學遮"話果時點好點好,細佬眼都突!!!
遲啲要貼一輯巴士舊照。
刪除過過癮。
個火水爐好真呀!
回覆刪除火水爐係真嘢嚟架。
刪除笑咗 ^ o ^
刪除真係真亦假時假亦真。
刪除小猴的先父也曾在黃埔和太古船奧打過工，一切皆往矣！
回覆刪除聽講福利幾好。
刪除有宿舍，先租後平賣。
唔少員工「被迫」做埋業主也。
"微縮"張張都影得好靚 , 攞到靚位 ?
回覆刪除用心機影。
刪除有好報也。
又係一篇令人想當年的靚相!
回覆刪除唔少長者睇完又睇。
刪除上晒身！
堂主魅力無邊, 亞公亞婆都追住尼睇你.......................D靚相!
刪除哈哈，我係話啲模型吸引公公婆婆也。
刪除迫爆展館，拍照艱難呀。
噢! 我攪錯咗添。
刪除No:1 picture,紅色西瓜型膠波我11years old 那年踢波,就把我右腳趾公腳趾甲飛脫了,因為穿著拖鞋踢波,不捨得把白布鞋染污損,可想而知當年境況.
回覆刪除穿「白飯魚」踢波。
刪除唔夠十次便磨穿鞋了。
我通常赤腳落場。
只敢「掃把腳」。
怕「磨薑」也。